Жаңалықтар

16.07.2020
Қазақстанның зейнетақы жүйесі көрсеткіштерін әлем елдерімен салыстырсақ

Бірыңғай жинақтаушы зейнетақы қорының корпоративтік сайтындағы (www.enpf.kz)  «Әлемнің зейнетақы жүйелері» бөлімінде жинақтаушы зейнетақы жүйесі бар елдердің негізгі көрсеткіштеріне шолу жарияланған. Онда «БЖЗҚ» АҚ мамандары Экономикалық ынтымақтастық және даму ұйымы (ЭЫДҰ) мен Қазақстанды салыстырды. Негізге ЭЫДҰ, Біріккен Ұлттар Ұйымы (БҰҰ) және БЖЗҚ статистикалық деректері алынды.

Шолуда жеті ел ұсынылған, олар – Австралия, Дания, Израиль, Мексика, Чили, Эстония және Қазақстан. Барлық елдердің ІЖӨ көлемі, халық саны, зейнеткерлікке шығу жасы, зейнетақы жарналарының мөлшерлемесі және тағы басқалар әртүрлі сипатқа ие. Алайда олардың барлығын жинақтаушы зейнетақы жүйесі біріктіреді және кез келген адам мынадай сілтеме (https://www.enpf.kz/ru/pension-system/world/obzor-osnovnykh-pokazateley-stran-s-nakopitelnoy-pensionnoy-sistemoy.php) бойынша өтіп, материалмен толық таныса алады.

Сондай-ақ, корпоративтік сайтта Армения, Норвегия, Малайзия, Сингапур және Швецияның зейнетақы жүйелері бойынша ақпарат ұсынылған. Қор мамандары кестелер мен сызбаларды қолдана отырып, қазақ және орыс тілдерінде ыңғайлы пішімдегі материалдар дайындады. Бұл бөлімді шетелдік мемлекеттер бойынша жасалған жаңа шолулар мен статистикалық деректер үнемі толықтырып отыратын болады.

 

БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).


Вернуться назад

Адрес

г. Темиртау, Бульвар
Независимости, 12

Телефон

+7 (7213) 92-33-24